Global Leadership Camp აქტიურად გრძელდება
ზამთრის ბანაკის პროგრამა დინამიკურ და მრავალფეროვან გარემოში მიმდინარეობს. მონაწილეები ჩართულნი არიან საგანმანათლებლო და პრაქტიკულ აქტივობებში, რაც მიზნად ისახავს ლიდერობის, კომუნიკაციისა და გუნდური მუშაობის უნარების განვითარებას.
პროგრამის ფარგლებში ახალგაზრდებს შესაძლებლობა ჰქონდათ შეხვედროდნენ ოქსფორდიდან მოწვეულ ტრენერს, რომელმაც ჩაატარა ინტერაქტიული ლექცია ლიდერობაზე. აღნიშნულმა შეხვედრამ მონაწილეებს მისცა შესაძლებლობა, სიღრმისეულად გაეაზრებინათ ლიდერობის თანამედროვე მიდგომები და პრაქტიკული ასპექტები.
ბანაკის ფარგლებში ასევე გაიმართა შეხვედრა ცნობილ ტელეწამყვანთან და თეატრმცოდნე ნიკოლოზ წულუკიძესთან, რომელმაც მონაწილეებს საკუთარი პროფესიული და ცხოვრებისეული გამოცდილება გაუზიარა. შეხვედრა ინტერაქციული ფორმატით წარიმართა და ეფუძნებოდა ბატონი ნიკოლოზის იგავ-არაკებს, რომლებიც წარმატების მიღწევის, სამშობლოს სიყვარულისა და პიროვნული ღირებულებების თემებს მოიცავდა.
გარდა აღნიშნული აქტოვობებისა, ბანაკის ერთ-ერთ მნიშვნელოვან კომპონენტს წარმოადგენს ინგლისური ენის გაკვეთილები არაფორმალურ გარემოში, რომელსაც უცხოელი პედაგოგები უძღვებიან. აღნიშნული მიდგომა მონაწილეებს ენობრივი პრაქტიკის გაღრმავებასა და კომუნიკაციის უნარების განვითარებაში მნიშვნელოვნად ეხმარება.
#leadershipcamp#bakuriani#wintercamp
